جواز القصر

 

انا اسماء سنى 19,سنه ام لولدين وحامل فى التالت هتقوليلى ازاى احكيلكم انا

حكايتى

انا من بيت مكون من اب وام. وتلت بنات غيرى.. ابويا كان نفسه فى ولد بس للااسف ربنا مارزقهوش بالولد انا الكبييره وابويا عالطول طفشان من البيت وامى هى قايمه بدورين الاب والام بتخرج تشتغل وتصرف علينا انا واخواتى فى مراحل تعليميه مختلفه انا وصلت لتالته اعدادى وفى مره لاقيت حد قاعد مع امى وبيتكلموا وبعد مامشيوا امى نادت عليا بتقولى مبروك يااسماء
انا.بقولها مبروك على ايه ياماما هى النتيجة طلعت ولااييه دانا لسه مخلصه انهارده الامتحانات

ردت وقالتلى لا ياحبيبتي دانتى جالك عريس

انا.عريس لمين ياماما

امى.ليكى انتى ياحبيبتى

انا ..ياماما انا عايزه اكمل تعليمي انا لسه صغيره

امى.. صغيره اييه يااسماء انا فى سنك كنت مخلفاكى اجهزى بقى لخطوبتك انا الصراحه اتصدمت انا اتجوز اللى هو ازاى بس فجاه لاقيت الكوافيره بتزوقنى وبلبس فستان للخطوبه وقاعده جنب شخص انا معرفهوش بس اكدب عليكم فرحانه اووووى ورقصت وهيصت مع اصحابى وهو كمان رقص معايا واحده من صحابى تقولى ايييه يابت يااسماء الواد مز وقال ماكنتيش عايزه تتجوزيه ط لو مش عايزاه اتجوزه انا ضربتها فى كتفها بقولها بس ياجذمه ده حوده حبيبى

صحبتى .ياحلاوه بقى حبيبك ماشى ياستى. ط وتعليمك نسيتى

انا..لا بقى فكك تعليم اييه مع حلاوة محمود يعنى اللى تعلموا خدوا ايييه وكملت رقص ويوم الخطوبه خلص ومحمود كان معايا كان منسينى كل حاجه هدايه وفسح وبعد سنه من ميعاد الخطوبه حددوا ميعاد الجواز واتجوزت محمود بس لاسف جواز عيله طبعا كان ليا سلفتين غيرى وطبعا زى ماهما ليهم يوم انا بقى ليا يوم وده نظام بيت العيله ولانى صغيره معرفش يعنى اييه انظف فراخ سمك ممبار الصراحه كنت بقرف كانوا سلايفى هما اللى بيقوموا بالموضوع ده وكان مش بيبطلوا تريقه عليا وانا كنت بعيط واروح اقول لاامى وامى اشتكت لحماتى وقالت لجوزى كمان حماتى ردت وقالتلها ماهو ده غلطتك ياام اسماء فى واحده تتجوز متعرفش تنظف فراخ وسمك بنتك حتى متعرفش تطبخ كام مره حرقت لينا الاكل لولا سلايفها

امى ..قالتلها بنتى لسه صغيره سلايفها كبار وبكره هى كمان تتعلم يعنى هما جاييين عارفين

حماتى ..اه الاتنين ماشاء الله بيعملوا كل حاجه بس بنتك خيبه وامى قالتلها معلش ياام محمود اصبرى عليها وهى تتعلم وحماتى قالتلها ماشى بس قولى لبنتك تبطل شكوى وامى قالتلها حاضر وقالتلى معلش يااسماء استحملى التريقه واسكتى او شوفى جوزك هيعمل اييه هو بيحبك ومش هيسمح لحد يتريق عليكى حماتك مش هتدافع عنك ادام سلايفك وانا قولتلها انتى السبب ياامى كنت. سيبتينى اكمل تعليمي بدل البهدله دى

امى.. خلاص بقى يااسماء انتى اتجوزتى كلامك مالوش لازمه وشوفى بيتك وجوزك واتعلمى وسيبينى فى همى كفايه عليا ابوكى واخواتك وطبعا التزمت الصمت وطبعا بقيت استحمل تريقة سلايفى. وحماتى واخوات جوزى واسكت لحد مااتعلم واشتكى لمحمود يقولى معلش انتوا ستات مع بعض وهما ليهم حق اصلك خيبه ياحبيبتى طبعا كلامه قهرنى وبقيت اسكت عدى على جوازى تلت شهور واحنا قاعدين واحده من اخوات جوزى بتقولى بت يااسماء هو لسه مفيش حاجه
انا.. حاجة ايييه ياابله هاله

هاله..انا عمتك ياحبيبتى مش ابله

انا..حاجة ايه ياعمتى

هاله..تكونى حامل

انا.. معرفش والله

هاله ..باخوفى لتكونى ارض بور والكل ضحك وانا بقولها ليه بتقولى كده دانا سمعت الدكتوره بتقول مندورش الا بعد سنه
حماتى ..ليه يااختى سنه اييه وانا هصبر والااييه روحى لامك خليها تكشفلك

انا..ط اروح لامى ليه ط محمود يروح معايا

حماتى ..لا ياحبيبتي امك اللى تدور على بنتها افرضى مش بتخلفى هو يشيل البلوه بتاعتك ليه

انا.. حاضر هروح لاامى وخليها تكشفلى وقومت دخلت الحمام وعيطت عياط السنين وبقول ظلمونى بالجوازه دى سلايف عقارب وحما حمى واخوات زوج حرابيق وجوز مالوش كلمه وطولت فى الحمام لاقيت واحده من سلايفى بتنادى عليا بت يااسماء انتى نمتى ولاايه جوه الحمام

انا..من جوه لا خارجه اهو غسلت وشى وخرجت بيقولولى حمدلله على السلامه ايييه نمتى جوه والايه

اتا ..لا بس فى وجع فى بطنى

حماتى ..ط يااختى ادخلى جهزى الاكل مع سلايفك الرجاله قربوا يوصلوا وجوزك طبعا دخلت والتزمت الصمت وبفكر فى كلامهم عن الحمل وسلايفى بيكلمونى وطبعا انا مش واخده بالى واحده فيهم زغديتنى فى كتفى وجعتنى قولتله ايييه بتضربى ليه

سلفتى ..ياختى عمالين نكلمك وانتى مش معانا خالص

انا..اه معلش بس عالفكره انتى ايدك تقيل

سلفتى..ايدى تقيله ولاانتى اللى هفأ

انا .لا انا لسه صغيره مستحملش ايدك ياابله سميره ماهو انا مش هيتحرق دمى عالطول ماهو انا لازم يتحرق دمهم هما كمان

سلفتى شهقت شهقه عاليه ابلة ايييه يانوغه انا زى زيك قال ابله قال

انا..اه انا زى زيك بس انا اد ولادك ولو مش عاجباكى ابله هقولك ياخالتى

سلفتى ..بت يااسماء انتى لما نفسك ولاتقولى ابله ولاخالتى قوليلى ياسميره

انا..لا عيب خلاص هقولك ياام محمد اييه رايك

سلفتى ...بت بارده صحيح وكملت اللى كانت بتعمله وسلفتى التاتيه منطقتش بس هى كمان ليها روقه بس الصبر هما بيحسبونى لقمه طريه لا والله انا مش كل شويه ازعل واعيط انتى خلاص بقيتى ست زيهم لازم تاخدى حقك منهم بس بالادب وطبعا ده النهج اللى مشبت عليه لحد فى يوم اخت جوزى بتقولى انتى يابت يااسماء

انا..اولا تنادى عليا بااسماء ياابله عيشه انا مش بت

حماتى .ردت عليا بتقولى عمتك تقول اللى هى عايزاه

انا...عمتى مين ولامؤاخذه هى اخت جوزى من حقى اقولها ياابله لانها اكبر منى بس عمتى دى اعذرونى فيها انا ماليش غير عمه واحده وماتت الله يرحمها

اخت جوزى ..عيشه بتنقى عليا يابنت الجذمه اتا هنا انفحرت قولتلها لاعندك انتى مفكرانى هسمع واسكت لا انا سكتت كتييير وكل شويه اهانه منك ومن اختك ومن امك ومراتات اخواتك لا معلش انا مش علشان انا صغيره كلكم متسالين بيا لاطبعا انا اقدر ارد بس انا بقول يابت عيب دووول كبار وانت اد عيالهم تيجوا انتوا تستغلوا ده لا بقى انا ارد وارد

حماتها..هتردى تقولى اييه يامرات ابنى

انا..ارد الاهانه بالاهانه ياحماتى بنتك شتمتنى ومشفتكيش قولتلها عيب مراتات ابنك رايحين جاييين يتريقوا عليا وانتى بتسكتى وخدينى تريقتكم لا معلش مدام جوزى اللى مفروض يحيبلى حقى بيسكت انا بقى اجيب حقى واه باابله عيشه انا مش بنت جذمه الشتيمه بتلف تلف وترجع لصحبتها

حماتها..انتى بتشتمى بنتى ط والله ماانتى قاعده فيها

انا...انا مش ماشيه غير لما جوزى يجيى وطلعت على فوق واتصلت باامى وهى جت وطلعت حتى من غير ماتسلم عليهم وجوزى جه وطبعا سوسوله وهو طلع شايط وكان جاى يضربنى امى وقفت قصاده بتقوله انت هتضربها ادامى ولاايه اييبه يامحمود هما مالوك من ناحية بنتى مش هما اللى عالطول حرقين دمها وبتقولك تقولها انتوا حريم مع بعض ماليش انا دلوقتي فى وجع الدماغ ده

محمود..يعنى تقف وتشتم اختى بنتك قليلة الادب ومش محترمه انا بقى الصراحه قولتله لا عندك انا مش قليلة الادب ومحترمه روح اسال امك واختك كل شويه يقولوا اييه ولا اختك التانيه لما تيجى بيعملوا اييبه توصل ان هى تشتمنى

محمود..وانتى يامحترمه عملتى اييه

انا..قولتلها الشتيمه بتلف زتروح لصاحبتها

محمود..شوفتى اهى شتمتها ولا

امى..يابنى هى كده شتمتها بدل مانقول لامك ولااخواتك مالكوش دعوه بمراتى جاى تضربها وتشتمها انت كمان

انا . بقولك ايه يامحمود انا من ساعة مادخلت بيتكم وأنا محروق دمى وبدل ماجوزى يجيبلى حقى سايبنى ملطشه لده وده حتى مراتات اخواتك لا معلش لو مش هتاخدلى حقى وتعملى كرامه مابينهم يبقى نفضها اهو الحمدلله مفيش حاجه تربطنا ببعض

محمود..قصدك اييه يااسماء

انا...قصدى نط. ..واغمى عليا امى صرخت ومحمود شالنى ونزل بيا جرى من الشقه وامى وراه واخواته وامه وسلايفى بينادوا عليه وهو جرى ماسالش فى حد وراح بيا المستوصف اللى فى الحى بتاعنا ودخل بيا الطوارئ والدكتوره كشفت عليا لاقت ضعطى عالى جدا وكمان حامل وطلبت شوية تحليل. طلعت انميتى 5طبعا الدكتوره شافت التحاليل وبخت جوزى وامى وانا نايمه على السرير وطلبت الممرضه تعلقلى محاليل مغذيه ومحمود قاعد من ناحيه وامى من الناحية التانيه وسمعاه بيقولى انا اسف يااسماء حقك عليا وامى بتقولى معلش يابنتى انا اللى ظلمتك بالجواز وانتى مش عارفه حاجه ولسه صغيره ماهو انتى لو ليكى اب عدل ماكانش ده يبقى حالك وطبعا انا سامعه ده كله وهما بيانبوا نفسهم لان اتا كنت على مشارف جلطه وانا بسمعهم وهما بيتاسفوا ..تليفون محمود رن كانت امه بيقولها اييه ياامى اه تعبانه سمعتها بتقوله تعبانه ولابتدلع لاقيته صوته احتد على امه بيقولها اسماء كانت هتروح منى ياامى كانت داخله على جلطه علشان عيشه وهاله يرتاحوا وانتى كمان ياامى اسماء مش هترجع تانى البيت سمعتها بتقوله طلقها دى ارض بور وانا احوزك ست ستها

بقلم مريم سيد ام البنات

محمود..تجوزينى واطلقها لا طبعا اسماء هتفضل مراتى العمر كله وام اولادى

امه..ام اولادك بقالها خمس شهور مشفناش حاجه

محمود..مراتى حامل ياامى يعنى كتت اخسرها واخسر ابنى معلش ياامى انا تعبان وففل معاها وطى باس دماعى الدكتوره دخلت قالتلهم هى المفروض تقعد يومين او تلاته لحد ماضغطها يتزل وبعدين لازم تتابع مع دكتورة نسا هى لسه صغيره وياريت تهتموا بيها شويه متعرضهاش لضغوط نفسية لان ممكن الارتفاع يجيى تانى ويودى لكارثه وخرجت وسمعته بيقول لاامى انا هدور على شقه ايجار جديد وهنقل فيها امى قالتله ط واهلك

محمود.. مالهم اهلى هيفضلوا اهلى بس مراتى معنديش استعداد اخسرها
امى..يابنى امك هتلوم بنتى ان هى السبب

محمود..لاطبعا انا اللى هقولهم اواحط شرط مراتى متنزلش ولاتعمل حاجه

انا... يارب ياخد شقه بره انا اتخنقت من التحفيل عليا سمعت محمود بيقول لامى هروح البيت اجيب لااسماء غيارات. واجيبلك اكل وارجع عالطول وامى قالتله ماشى يابنى وهو مشى امى نامت جنبى وحضتنى ودموعها نازله على خدودها وراحت فى النوم بعد وقت محمود رجع وحالته حاله امى شافته كده بتقوله اتخنقت مع الحاجه صح

محمود...صح يدوبك لسه بقولها مراتى هتلزم شقتها اخدت من المنقى خيار بصى ياامى خلاص انا اخدت قرارى هشوف شقه ايجار واسكن فيها انا وهى والحمدلله انا بشتغل ومش محتاج لحد

امى .. خلاص يابنى فى بيتنا فى شقه فاضيه حلوه واسعه تعالى اقعدوا فيها والايجار مش عايزه منك حاجه

محمود...لو عايزانى اقعد ادفع ايجار ويكتبلى عقد

امى ..يابنى ماهى شقة مراتك

محمود..لا ياامى لو عايزانى اسكن فى بيتكم يبقى ايجار وعقد
امى ..حاضر يابنى اللى تشوفه واتفقوا مع بعض بس تعرفوا انا ماكنتش عايزه ارجع لبيتنا تانى بس مش مشكله انا ربنا يقدرنى واحاول من مصروفى اعمل جمعيات وربنا يسهل نشترى شقه اوبيت صغير.

وعدت الايام وخرجت من المستشفى على بيت امى ومحمود بدا يجهز الشقه وبدا ينزل العفش ويحيبه الشقه بتاعتنا امه واخواته بهدلوا امى ومحمود كان واقف ليهم وكان خايف ان هما يحتكوا بيا وكان بيقولى اوعى تخرجى بره لوحدك بصراحه انا كنت خايفه منهم بس فى يوم تعبت لانى خلاص وصلت لمبعاد الولاده واتصلنا بمحمود تليفونه مقفول امى قاتلى قومى وانا اوديكى انتى كده هتموتى قولنلها ياماما مامة محمود واخواته هيشوفونا ممكن يعملوا حاجه فينا وامى علشان طيبه قالتلى يابنتى مش لدرجادى قولتلها انا اللى عشرتهم وعرفتهم راحت قالتلى قومى ان شاء الله مايحصل حاجه قومت لبست ونزلت مع امى واحنا ماشيين كانت الكارثة حماتى وبناتها كانوا خارجين واول ماشافونى مسكونى من ايد امى موتونى من الضرب وشتيمه وبهدله لحد مااغمى عليا ولاول مره احس اني ليا اب ابويا جه شدهم من عليا وشالنى وجرى بيا على المستشفى وامى هى كمان خدت نصيبها تحملت على نفسها وجريت مع ابويا وحماتى وبناتها ولا كانهم عملوا حاجه عاشوا حياتهم ولان كل اللى فى الشارع بيخافوا منهم محدش اتكلم بس ربك بالمرصاد حد من اللى كانوا واقفين صور كل حاجه ونزلها على النت والدنيا اتقلبت والشرطه جت خدتهم لان كمان ابويا قدم محضر فيهم بسبب اللى عملوه فيا اه ماقلتلكوش ولدت ولد ماشاء الله تبارك الله بس لااسف انا بسبب الضرب فيا ليا ضلع اتكسر ورقدت فى المستشفى اكتر من تلت شهور محمود ماكانش بيسيبنى بس زعلان على امه واخواته بس مش قادر يتكلم انا عذراه بس لو انتوا فى مكانى هتعملوا ايييه

انا علشان خاطر محمود وحنيته عليا اتنازلت عن المحضر بس كان شرطى ان محمود يشوفلى شقه بعيد عن شارعنا وبعيد عن اهله هو الصراحه وافق والحمدلله رجعت لبيتى فى شقتى الجديده وربنا كرم محمود اخر كرم والشقه الايجار بقت شقه تمليك وانا طلبت من محمود اكمل تعليمي هو وافق ودخلت ثانوية عامة ووبعدها دخلت كلية تربية لانى نفسى ابقى مدرسه والحمدلله خلصت وحصلت على بكالوريوس تربيه وربنا رزقنى بتلت اطفال ومحمود كان داعم ليا فى خطواتى وهو كمان كمل تعليمه معايا وبقينا احنا الاتنين معانا شهادات عليا واهله هو مقطعش علاقته بيهم حتى ولاده بياخدهم معاه بس انا الصراحه مش بروح عندهم خالص بس كمان مش بجيب سيرتهم خالص ولابكره ولادى فيهم علشان خاطر محمود
العلاقه بينى وبين محمود اتبنت بالحب 👇👇👇

كوني ذكية وحافظي على الحب الذي يجمع بينك وبين زوجك والذي يعتبر هو الأساس في بناء حياتكم وعلاقتكم الزوجية.

حيث ان الحفاظ على الحب والتفاهم بين الزوجين من أهم الأمور التي تساعد على استمراره الحياة الاجتماعية بينهما، وفي ظل الضغوط الحياتية وزيادة الأعباء وتحمل المسؤولية للزوجين من المحتمل أن يفقد الزوجين الحب والتفاهم بينهما،

كونى ذكيه

لاتضعى نفسك فى مقارنه بينك وبين اهل جوزك لان اكيد انتى الخسرانه لانهم مهما كانوا وحشين هما اهله